जळगांव(प्रतिनिधी)- जिल्हा पोलीस अधीक्षक डॉ.प्रविण मुंडे, अपर पोलीस अधीक्षक चंद्रकांत गवळी, स्थानिक गुन्हे शाखा पो.नी.किरणकुमार बकाले यांनी मागील काही दिवसांपासून अकलूद येथे गावठी कट्याने दहशत माजवणारे आरोपीचा शोध घेण्याचे आदेश देण्यात आले होते.
यात स्थानिक गुन्हे शाखेचे पो.नी.किरणकुमार बकाले यांना मिळालेल्या गुप्त बातमीद्वारे १६ ऑक्टोबर रोजी अकलुद येथे हॉटेल राजे च्या समोर दोन इसम हातात गावठी कट्टा व चॉपर ताब्यात बागळुन दहशत माजवत असल्याचे स्थानिक गुन्हे शाखेला कळविण्यात आले.
मिळालेल्या माहितीच्या आधारे स.फौ. अशोक महाजन, पो.हे.कॉ लक्ष्मण पाटील, पो.ना. श्रीकृष्ण देशमुख, पो.ना. रणजित जाधव, पो.ना. किशोर राठोड, पो.कॉ. विनोद पाटील, पो.कॉ. ईश्वर पाटील यांनी सापळा रचुन त्यांना ताब्यात घेतले. सचिन ऊर्फ दादु हरिष चौधरी वय- १९ रा.तापी नगर भुसावळ, धिरज केशरसिंग जाधव वय- 26 रा.मोरेश्वर नगर भुसावळ असे आरोपींचे नाव असून त्यांच्याकडून २० हजार रुपये किमतीचा गावठी कट्टा व ५०० रुपये किमतीचा चाकू असा बेकायदा शस्त्रसाठा जप्त करण्यात आला असून त्यांची वैद्यकीय तपासणी करुन पुढील कारवाई साठी त्या आरोपींना फैजपुर पो.स्टे.च्या ताब्यात देण्यात आले.
