नवी मुंबई-(प्रतिनीधी) – दिवाळी हा दिव्यांचा उत्सव. या उत्सवात लहानापासून ते मोठयांपर्यंत सर्वचजण आनंदाने सहभागी होतात. देशभरात सर्वत्र हा सण उत्सवात साजरा केला जातो. सर्व सामान्यांचे दु:ख जाणून घेऊन त्याला शक्य होईल ती मदत करणे हीच खरी ईश्वराची सेवा याच अनुषंगाने अखिल भारतीय सेना तसेच भारतीय भ्रष्टाचार निवारण संस्था व मानवता एकता संघ, शिवनेरी मित्र मंडळातर्फे गरीब गरजू व भटकंती जिवन जगणाऱ्या कुटुंबाना दिवाळी निमित्त घरगुती दिवाळी फराळ वाटप करून दिवाळी ची गोड सुरवात केली. फराळ वाटप करताना अखिल भारतीय सेनेचे कोंकण विभाग अध्यक्ष श्री. विशाल वि महाडिक, मानवता एकता संघाचे अध्यक्ष श्री.थौरात साहेब, शिवनेरी मित्र मंडळाचे अध्यक्ष श्री.निलेश बाणखिले साहेब, वरिष्ठ महिला संघटक सौ.आशा विलास महाडिक व महिला भगिनी,समाजसेवक अनिल नाकते, दिनेश पारेख तसेच संस्थेचे कार्यकरते व मानवता एकता संघाचे सगळे मान्यवर उपस्थित राहून फराळ वाटपचा कार्यक्रम पार पाडला. सगळ्यांना दिवाळी च्या शुभेच्छा दिल्या.
