अनिल जोशी यांनी डॉ. गिरीश सहस्त्रबुद्धे यांना दिल्या ३५ व्या वर्धापनदिनानिमित्त शुभेच्छा
उत्तम आरोग्यासाठी डाॕक्टरांचा सल्ला महत्त्वाचा असतो आपण लवकर बरे व्हावे यासाठी गरजेनुसार योग्य तो खर्च करणारेही आपण पाहतो. मात्र कमीत कमी खर्चात विश्वासाचे,आपलुकीचे नाते निर्माण करणारे माझ्या विश्वासातले डाॕक्टर, पारिवारिक सदस्य म्हणजे डाॕ.गिरीष जी सहस्त्रबुद्धे.
35 वर्षापूर्वी दोन आणि आताही फक्त 50 रूपये घेत सेवा देणारे हे व्यक्तिमत्त्व. वेळ पडेल तर पैसे न घेता उपचार करतात. रूग्ण आणि त्यांच्या कुटुंबातील प्रत्येक सदस्यांमध्ये उत्कृष्ट संवाद आणि समन्वय साधतात. यामुळेच पिढ्यानपिढ्या त्यांच्याकडून रूग्ण वैद्यकीय सेवा घेत आहेत. अनावश्यक औषधींचा अतिरिक्त भार न देता कमी खर्चात उपचार हे त्यांचे वैशिष्ट्य! आलेल्या रूग्णांमध्ये परमेश्वरांचे स्वरूप पाहणारे नोबल प्रोफेशन या आचरणावर भर देतात.
रूग्णांशी आपुलकीचा संवाद हेच त्याचे प्रभावी औषध असते. माझ्या अनेक वैद्यकीय अडचणीच्या काळात त्यांनी दिलेले मोलाचे सल्ले खूप उपयोगात आले , परफेक्ट फॅमिली डॉक्टर ही संकल्पना त्यांना लागू होते ही माझी आणि अनेकांची भावना आहे.
रुग्ण बरा व्हावा, योग्य मार्गदर्शन देऊन त्याचे दुःख दूर व्हावे याच भावनेतून ते गेल्या 35 वर्षापासून रूग्णसेवा करता येत असल्याचे समाधान त्यांना मिळते आहे
गणराया म्हणजे सर्वांचा विघ्नहर्ता.. गणेश चतुर्थी च्या दिवशी डाॕ.सहस्त्रबुद्धे यांनी रूग्णसेवा सुरू केली. आज त्याला 35 वर्ष पुर्ण झाली. या 35 व्या वर्धापन दिनाच्या शुभेच्छा,त्यांच्याकडून अशीच आरोग्यसेवा घडो आणि सर्वांचे स्वास्थ निरोगी राहण्यासाठी मार्गदर्शन मिळत राहो या सेवा भावासाठी त्यांनाही उदंड आयुष्य लाभो हीच गणराया चरणी प्रार्थना!
