जळगाव – सामान्य रुग्णालय, शासकीय वैद्यकीय महाविद्यालय जळगाव, जळगाव शहर महानगरपालिका आणि इंडियन रेडक्रॉस सोसायटी जळगाव यांच्या संयुक्त विद्यमाने विनामूल्य कोविड -१९ अॅन्टीजन तपासणी केंद्राला नागरिकांचा उत्तम प्रतिसाद मिळत आहे. दिवसभरात १०० ते १५० नागरिक या तपासणी शिबिराचा लाभ घेत आहेत. हे तपासणी केंद्र शहराच्या मध्यभागी म्हणजेच महानगरपालिका संचलित सानेगुरुजी वाचनालयातील टेबल टेनिस हाॅल,शासकीय रुग्णालयाच्या मागे सुरु झाले असून तपासणी पूर्णपणे विनामूल्य आहे. रुग्णांची तपासणी लवकर झाल्यास त्वरित उपचार लवकर करणे शक्य होईल. हा विचार करून माननीय जिल्हाधिकारी श्री. अभिजीत राउत यांच्या मार्गदर्शनाने आणि माननीय जिल्हा शल्य चिकित्सक यांच्या सहकार्याने या केंद्रात सकाळी ९ ते सायंकाळी ५ वाजेपर्यंत सेवा देण्यात येत आहे.तसेच रविवारी देखील हि सेवा नागरिकांसाठी सुरु आहे. काही ही त्रास जाणवल्यास नागरिकांनी त्वरित तपासणी करून घ्यावी असे आवाहन माननीय जिल्हाधिकारी श्री. अभिजित राऊत, उपाध्यक्ष श्री. गनी मेमन, मानद सचिव श्री. विनोद बियाणी रक्तकेंद्र चेअरमन डाॅ. प्रसन्नकुमार रेदासनी यांनी केले आहे.
