जळगांव (विशेष प्रतिनिधी)-क्षितिज फाउंडेशन तर्फे नेत्रज्योती हॉस्पिटलमध्ये 26/11 च्या मुंबई येथील भ्याड दहशतवादी हल्यात शहिद झालेल्या वीर जवानांना रक्ताच्या प्रत्येक थेंबातून आदरांजली वाहण्यासाठी वीर जवानांच्या स्मूती प्रित्यर्थ भव्य रक्तदान शिबिर घेण्यात आले. यावेळी 55 जणांनी रक्तदान केले. माधवराव गोळवलकर स्वयंसेवी रक्तपेढि जळगांव यांच्या सहकार्याने रक्तसंकलन करण्यात आले. यावेळी नेत्रज्योती हॉस्पिटलचे व्हॉइस चेअरमन दिलीप मंगवणी, ट्रस्टी धनराज चावला, रमेश मधान, क्षितिज फाउंडेशनचे अध्यक्ष गजानन वंजारी उपस्थित होते. यावेळी राजेंद्र कुवर,नितीन झोपे, जया रेजडा,नेहा सचदेव, प्रिती चकरे, तसेच क्षितिज फाउंडेशनचे अविनाश पारधे, हेमंत वंजारी, राजेश निकुंभ, पवन वंजारी, अक्षय सानप, मनोज पाटील, हितेश नाईक, सागर सानप, सचिन वंजारी, भूषण पाटील, जयेश वाघ, राहुल सानप, दिपक सुरळकर तसेच रक्तपेढीचे डॉ. नाटेकर, विलास सपकाळे, जागृती लोहार, रामचंद्र पोतदार, जनसंपर्क अधिकारी अर्जुन राठोड, पवन येपुरे यांनी विशेष सहकार्य केले.
