जळगाव, (जिमाका वृत्तसेवा) दि. 5 – सावदा, रा. रावेर येथील ज्येष्ठ स्वातंत्र्यसैनिक हरचंद शिवराम भंगाळे (वय 95 वर्षे) यांच्याकडून कोरोना लढ्यासाठी मुख्यमंत्री सहायता निधीस पाच हजार रुपयांची मदत करण्यात आली. श्री. भंगाळे यांनी मदतीचा धनादेश प्रांताधिकारी डॉ अजित थोरबोले यांचेकडे सुपूर्द केला.
देशाच्या स्वातंत्र्य लढ्यात स्वातंत्र्यसैनिकांचे मोलाचे योगदान असल्याचे सांगून डॉ. थोरबोले यांनी ज्येष्ठ स्वातंत्र्यसैनिक श्री. भंगाळे यांचे आभार मानले. तर सन 1925 साली जन्मलेल्या स्वातंत्र्यसैनिक श्री. भंगाळे यांनी आपला अनुभव सांगतांना 95 वर्षाच्या उभ्या आयुष्यात अशी परिस्थिती कधी अनुभवलेली नसल्याचेही ते म्हणाले.
