देशमुख महाविद्यालयात राष्ट्रपिता महात्मा गांधी व लालबहादूर शास्त्री यांना अभिवादन

रासेयोच्या स्वयंसेवकांनी राबवले स्वच्छता अभियान

पाचोरा – (प्रतिनिधी) – तालुका सहकारी शिक्षण संस्था संचलित सौ. रजनीताई नानासाहेब देशमुख कला, वाणिज्य व विज्ञान महाविद्यालयात राष्ट्रपिता महात्मा गांधी व भारताचे दुसरे पंतप्रधान लालबहादूर शास्त्री यांची जयंती संयुक्तपणे साजरी करण्यात आली.

याप्रसंगी दोन्ही महामानवांच्या प्रतिमेला पुष्पहार अर्पण करून त्यांना अभिवादन करण्यात आले. त्यासोबतच राष्ट्रीय सेवा योजना एककाच्या वतीने स्वयंसेवकांनी महाविद्यालय परिसरात स्वच्छता अभियान राबविले. उपप्राचार्य प्रा. एस. आर. पाटील, कला व वाणिज्य शाखेचे समन्वयक डॉ. एस.डी. भैसे, राष्ट्रीय सेवा योजना कार्यक्रम अधिकारी डॉ. एन. व्ही. चिमणकर, महाविद्यालयातील सर्व प्राध्यापक, विद्यार्थी व कर्मचारी याप्रसंगी उपस्थित होते.