भडगांव(प्रतिनीधी)- याबाबत सविस्तर वृत्त असे की, येथील उपजिल्हा प्रमुख गणेश भरतसिंग परदेशी यांनी आज जिल्हा प्रमुख गुलाबराव वाघ यांच्याकडे आपला उपजिल्हा प्रमुख पदाचा राजीनामा दिला. याबाबत त्यांना विचारले असता त्यांनी नुकत्याच पार पडलेल्या विधानसभा २०१९ निवडणुकीत महायुतीचे उमेदवार आ. किशोर आप्पा पाटील हे जरी मतदार संघात विजयी झाले असले तरी भडगांव तालुक्यातून त्यांच्या प्रतिस्पर्धी उमेदवारास २८०० मते जास्त मिळाली असल्या कारणाने मी उपजिल्हा प्रमुख या नात्याने विधानसभा निवडणुकीत समाधानकारक कामगिरी करु शकलो नसल्याने उपजिल्हा प्रमुख पदाचा राजीनामा देत असल्याचे ते म्हणाले, तसेच भविष्यात सदैव एक शिवसैनिक म्हणून संघटनेच काम करत राहील असेही ते यावेळी म्हणाले.
