जामनेर प्रतिनिधी-शांताराम झाल्टे दि.२६. जळगाव जि.प.चे माजी कृषी सभापती तथा पहूर पेठ,ता.जामनेर येथील माजी सरपंच,राष्ट्रवादी काँग्रेस पक्षाचे नेते-मा.प्रदिपभाऊ लोढा यांची जामनेर तालुका संजय गांधी निराधार योजनेच्या तालुकाध्यक्ष पदावर नियुक्ती झाल्याबद्दल पिंपळगांव कमानी येथील बंजारा समाजबांधव यांंच्यावतीने मा.प्रदिपभाऊ लोढा यांंच्या पहूर येथील निवास स्थानी भेट घेऊन शाल,पुष्पहार आणि पुष्पगुच्छ देऊन सत्कार करण्यात आला.
हा सत्कार सोहळा पाचोरा येथील विघ्नहर्ता मल्टिस्पेशालिटी हॉस्पिटल चे संचालक तथा जामनेर तालुक्याचे सुपूत्र-मा.डॉ.सागरदादा गरुड,पहूर पेठ चे उपसरपंच-मा.श्यामभाऊ सावळे,राष्ट्रवादी युवक काँग्रेस चे माजी तालुकाध्यक्ष-शैलेशभाऊ पाटील,मा.प्रफुल्लभाऊ लोढा,यांचे प्रमुख उपस्थितीमधे पिंपळगांव कमानी येथील बंजारा समाजाचे युवा कार्यकर्ते तथा जय सेवालाल बहुउद्देशीय संस्थेचे संस्थापक अध्यक्ष-अशोकभाऊ चव्हाण,संचालक-गणेशभाऊ राठोड,माजी ग्रामपंचायत सरपंच-मा.प्रेमराजभाऊ चव्हाण,अर्जुनभाऊ राठोड,माजी उपसरपंच-नारायणभाऊ चव्हाण, ग्रामपंचायत सदस्य-योगेशभाऊ राठोड,भागचंदभाऊ चव्हाण यांंच्याहस्ते मा.प्रदिपभाऊ लोढा यांचा सत्कार करण्यात आला.
यावेळी,या छोटेखानी सत्कार समारंभात बोलताना मा.प्रदिपभाऊ यांनी सांगितले की,परिसरातीलच नव्हे तर संपूर्ण जामनेर तालुक्यातील वंचित,शोषित,पिडीत,वृद्ध, दिव्यांग व निराधार बांधवांना या योजनेचा लाभ मिळवून देण्याचा प्रयत्न करेन.
डॉ.सागरदादा गरुड यांनी सांगितले की,मा.प्रदिपभाऊ लोढा यांची या योजनेच्या समितीमधे तालुकाध्यक्ष पदावर नियुक्ती झाल्याने तालुक्यातील जनतेमधे आनंदाचे वातावरण असून मा.प्रदिपभाऊ लोढा हे या सर्व घटकातील समाजबांधवांना नक्कीच न्याय मिळवून देतील याची पक्की खात्री आहे असे सांगितले.
