जळगांव(प्रतिनिधी)- प.न.लुंकड कन्याशाळेत २६ नोव्हेंबर संविधान दिनानिमित्त माझे संविधान,माझा अभिमान या उपक्रमाचे आयोजन करण्यात आले. शाळेच्या सकाळ विभाग प्रमुख मेधा कुलकर्णी, ज्येष्ठ शिक्षक किशोर चौधरी, मीना सपकाळे यांच्या हस्ते डॉ. बाबासाहेब आंबेडकर यांच्या प्रतिमेचे पूजन व माल्यार्पण करून अभिवादन करण्यात आले.
या प्रसंगी १२० विद्यार्थीनींनी निबंध लेखन,घोषवाक्ये व पोस्टर निर्मिती या शालेय स्तरावरील उपक्रमात सहभाग नोंदवला. तसेच विद्यार्थीनींकडून सामूहिक संविधान उद्देशिकेचे वाचन सौ.मेधा कुलकर्णी यांनी केले. कार्यक्रमाचे अनमोल मार्गदर्शन शाळेच्या मुख्याध्यापिका स्वाती नेवे यांनी केले. कार्यक्रमाचे सुत्रसंचालन मेघना पिंगळे यांनी केले. तसेच शाळेतील शिक्षक व्ही.एस.पाटील, किशोर चौधरी, प्रवीण धनगर यांनी कार्यक्रमास सहकार्य केले. सदर कार्यक्रमास शाळेचे सर्व शिक्षकवृंद व शिक्षकेतर कर्मचारी उपस्थित होते.
