जळगांव(प्रतिनिधी)- केसीई सोसायटी संचालित गुरुवर्य प. वि. पाटील विद्यालय येथे आंतरराष्ट्रीय क्रीडा दिन उत्साहात साजरा करण्यात आला सर्वप्रथम शाळेचे शिक्षण समन्वयक चंद्रकांत भंडारी यांच्या हस्ते मेजर ध्यानचंद यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.
प्रसंगी उपशिक्षक योगेश भालेराव यांनी विद्यार्थ्यांना विविध खेळांचे महत्त्व पटवून देत त्यांना विविध खेळाच्या साहित्याची माहिती व ओळख करून दिली त्यात क्रिकेट, हॉकी, बॅडमिंटन, लगोरी, फुटबॉल लेझीम ,डंबल्स अशा विविध खेळाच्या साहित्याची माहिती यावेळी विद्यार्थ्यांना सांगण्यात आली.
मुख्याध्यापिका रेखा पाटील यांनी विद्यार्थ्यांना मेजर ध्यानचंद यांच्या कार्याची ओळख करून दिली. कार्यक्रमाच्या यशस्वीतेसाठी सर्व शिक्षक तसेच शिक्षकेतर कर्मचारी यांनी परिश्रम घेतले.
