जळगांव(चेतन निंबोळकर)- तालुक्यातील बिलवाडी येथील कुळकुळ नाल्यातून कोणालाही न जुमानता सर्रासपणे वाळू वाहतूक करताना दिसत आहे. हे अवैध वाळू वाहतूक करणारे महसूल विभागाला दिसत नाही का? असा प्रश्न उपस्थित होत आहे. हि अवैध वाळू वाहतूकत महसूल कर्मचार्यांच्या संमतीने होत असल्याची गावकर्यांमध्ये चर्चा आहे. ही अवैध वाळू वाहतूक बिलवाडी गावातुन सुसाट वेगाने करतात. यावेळी गावात शाळकरी लहान मुले, गल्लीत खेळणारे लहान मुले यामुळे अपघात होण्याची शक्यता नाकारता येत नाही. तरी ही अवैध वाळू वाहतूक थांबवून तहसीलदार, पोलिसांकडून कारवाईची मागणी गावकर्यांकडून होत आहे.
