भडगाव – (प्रतिनिधी) – भडगाव तालुक्यातील वडजी येथिल टी .आर .पाटील विद्यालय व कनिष्ठ महाविदयालय व इंग्लिश मेडियम स्कुल या शाळेत आज दि .१५ जून रोजी शाळेचा पहिला दिवस म्हणून प्रवेशोत्सव मोठया थाटात साजरा करण्यात आला .
या कार्यक्रमाचे अध्यक्षस्थानी किसान शिक्षण संस्थेचे चेअरमन प्रतापराव हरी पाटील हे होते . प्रतिमापुजन करुन कार्यक्रम सुरु झाला .इयत्ता ५ वी आणि इयत्ता पहिली तसेच नर्सरी या वर्गात नविन प्रवेश घेतलेल्या मुलांचे स्वागत पुष्पगुच्छ आणि पुस्तकांचा सेट देऊन करण्यात आले . यावेळी विद्यालयाचे मुख्याध्यापक ए .एस . पाटील यांनी आपले मनोगत मांडले .
यावेळी कैलास पाटील , एकनाथ गायकवाड , वसंतराव पानपाटील , दिलीप पाटील , समाधान पाटील यांचे सह विदयालयातील सर्व शिक्षक आणि शिक्षकेतर् कर्मचारी हजर होते . कार्यक्रमाचे सुत्रसंचालन आणि आभार प्रदर्शन वाय .ए .पाटील यांनी केले .
