मलकापूर – (प्रतिनिधी) – विधानसभा मतदार संघातील गावांमध्ये महाविकास आघाडीचे उमेदवार श्रीराम पाटील यांनी लोकसभा निवडणुकीच्या अनुषंगाने प्रचार दौऱ्यात नागरिकांच्या भेटीगाठी घेत संवाद साधला . त्यावेळी या भागात कार्यकर्त्यांनी व मतदारांनी जल्लोषात स्वागत केले.
मलकापूर तालुक्यातील रणगांव ,भालेगाव , हिंगणा काझी , देवधाबा, खामखेड रेल्वे, नरवेल व धरणगाव या गावात उम्मेदवार श्रीराम पाटील यांनी प्रचारावेळी नागरिकांच्या भेटी घेतल्या. या गावातील प्रश्न व समस्या समजून घेत त्या सोडविण्याचे आश्वासन त्यांनी दिले. यावेळी मलकापूर मतदार संघाचे आमदार राजेश एकडे , काँग्रेसचे ज्येष्ठ नेते अरविंद कोलते, ऍड. मोरे, माजी नगराध्यक्ष हरीश रावळ, रशीद खा जमादार राष्ट्रवादी संघटक मोहन पाटील, राष्ट्रवादी काँग्रेस शरदचंद्र पवार पक्षाचे संतोष रायपुरे, शिवसेना संघटक राजेश सिंग राजपूत , काँग्रेसच्या महिला जिल्हाध्यक्ष मंगला पाटील, राष्ट्रवादी काँग्रेसच्या महिला जिल्हाध्यक्ष वनिता गायकवाड, वंदना पाटील, काँग्रेसच्या तालुकाध्यक्ष प्रीती भगत यासह या गावांमधील ग्रामस्थ तसेच महाविकास आघाडीतील सर्व घटक पक्षातील सन्माननीय पदाधिकारी व कार्यकर्ते उपस्थित होते.
