माहिती अधिकार कार्यकर्ते यांचा राळेगणसिद्धी येथुन मा.आण्णा हजारे यांच्या उपस्थितीत भ्रष्टाचार विरुद्ध एल्गार

अहमदनगर-(प्रतिनिधी) – रविवारी दि. २१ जुलै २०१९ रोजी माहिती अधिकार कार्यकर्ता महासंघ व असंघटित माहिती अधिकार कार्यकर्ता यांच्या संयुक्त विद्यमाने आयोजित माहिती अधिकार कार्यकर्ता मेळावा राळेगणसिद्धी येथे मा. अण्णा हजारे यांच्या मार्गदर्शनाखाली संपन्न झाला.
या मेळाव्यासाठी महाराष्ट्राच्या कानाकोपऱ्यातून माहिती अधिकार कार्यकर्ते हे माहिती अधिकाराची जन्मभूमी असलेल्या राळेगणसिद्धी येथे एकत्र झाले या मेळाव्याप्रसंगी माहिती अधिकार कार्यकर्त्यांच्या समस्या व विविध विषयावर मार्गदर्शन व चर्चासत्राचे आयोजन केले गेले होते. सदर कार्यक्रमास प्रमुख उपस्थिती मा.जेष्ठ समाजसेवक अण्णा हजारे, माहिती अधिकारी महासंघाचे संस्थापक अध्यक्ष मा.श्री सुभाष बसवेकर सर, जितेंद्र विंचू, श्री शेखर कोलते माहिती अधिकार महासंघ नागपूर जिल्हा कार्याध्यक्ष, माहिती सेवा समिती अध्यक्ष वरगुडे सर पुणे, श्री.राहुल प्रकाश कदम माहिती अधिकार महासंघ अहमदनगर जिल्हा कार्याध्यक्ष ,श्री. अजय तुम्मे सावली जिल्हा चंद्रपूर, श्री सोपान पवार माहिती अधिकार महासंघ विभाग प्रमुख मराठवाडा हे ही उपस्थित होते.

सदर कार्यक्रम स्थळी विविध विषयावरती मार्गदर्शन करण्यात आले सर्वप्रथम माहिती अधिकार कार्यकर्त्यांचे संघटन बांधणी कशी करावी याविषयी नाशिक येथील जितेंद्र विंचू सर यांनी सबंध महाराष्ट्रातून आलेल्या कार्यकर्त्यांना मार्गदर्शन केले.
मा. शेखर कोलते सर यांनी माहिती अधिकार कायद्याखाली अर्ज यांचा वापर कसा करावा याची स्टेप बाय स्टेप माहिती कार्यकर्त्यांना दिली व सदर माहिती मिळत असताना कार्यकर्त्यांची अडवणूक कशा प्रकारे सरकारी अधिकाऱ्यांकडून केली जाते व वारंवार अपील करून ही माहिती मिळत नाही त्यावर कार्यकर्त्यांनी न्यायालयीन लढा कसा करावा याविषयी कार्यकर्त्यांना सखोल मार्गदर्शन केले.
मा. अजय तुम्मे सर यांनी माहिती आयुक्त कशा प्रकारे भ्रष्ट अधिकार्‍यांना पाठीशी घालण्याचे काम करतात आणि जनतेला अडवतात माहिती अधिकारात येणाऱ्या अपिलांवर ती कुठल्याही प्रकारची ठोस कारवाई न करता थातूरमातूर उत्तर दिले जातात याविषयी माहिती दिली आणि आयुक्त यांच्या वरती कारवाई करण्यासाठी कोणकोणते प्रकारची पावले उचलणे गरजेचे आहेत याविषयी सखोल माहिती दिली त्याचप्रमाणे कार्यकर्त्यांवर होणार हल्ले व 353 सारखी कलमे चुकीच्या पद्धतीने वापर करुन मनमानी करणारे अधिकारीं पारदर्शकता आननारे कार्यकर्ते याच्यावर दबावतंत्र निर्माण करण्याचे कार्य होत आहे.
अश्या चुकीच्या निर्णया मुळे मानसिक तनाव वाढवनारे कलम यावर दुरुस्ती करने आणि राज्य माहिती आयुक्त यांच्या कार्यात पारदर्शकता आणण्यासाठी CCTV बसविने नियमानुसार दंड, शास्ती व नुकसान भरपाई देने,ही मागणी घेवुन RTI कार्यकर्ते राज्यपाल यांना निवेदन देवुन लवकरात लवकर यावर निर्णय न घेतल्यास सेप्टेंबर महिन्याच्या पहिल्या आठवड्यात उपोषण करण्याचा इशारा अजय तुम्मे यानी दिला।
श्री. शिवाजी खेडेकर माहिती अधिकार कार्यकर्त्यांची मोर्चेबांधणी कशी करावी माहिती अधिकार अर्जातून मिळालेल्या माहितीचे विश्लेषण कशा प्रकारे करावे व त्यातून भ्रष्टाचार कशाप्रकारे उघड करावा त्याच पद्धतीने माहिती अधिकार कायदा हा सर्वसामान्यांपर्यंत जास्तीत जास्त प्रमाणात कसा पोहोचवला जाईल याविषयी कार्यकर्त्यांना मार्गदर्शन केले.

माहिती अधिकार कायद्यात काम करत असताना माहिती अधिकार कार्यकर्त्यांनी एक व्यापक आणि मजबूत संघटन निर्माण करावे असे मत यावेळी अण्णा हजारे यांनी व्यक्त केले. कारण जनते जर ठरवले की कोणतेही सरकार हे झुकवता येते कारण जनता जर जागृत असेल तर सरकार फक्त एकाच गोष्टीला घाबरते ते म्हणजे सरकार पडण्याला आणि जागरूक नागरिकांनी याच गोष्टीचा फायदा घेऊन सरकारला आपल्या मनासारखे वागायला आणि कायदे करायला भाग पाडला पाहिजे हे मत अण्णांनी अधोरेखित केले.
माहिती अधिकार कार्यकर्ता मेळावा आयोजक व सूत्रसंचालक राहुल कदम यांनी सदर कार्यक्रम खेळीमेळीच्या वातावरणात पार पडला सदर कार्यक्रम यशस्वी व्हावा म्हणून राहुल अवचट, अजय तुम्मे, शिवाजी खेडेकर, राजेंद्र निंबाळकर, राळेगणसिद्धी येथील कर्मचारी यांनी विशेष योगदान दिले.

माहितीचा अधिकार, लोकायुक्त आणि लोकपाल हे ब्रम्हास्त्र
शासकीय आणि प्रशासकीय कामकाजात पारदर्शकता आनने , भ्रस्टाचार नष्ट करने, गरीब पीड़ित जनतेला न्याय मिळणे साठी माहितीचा अधिकार सोबतच लोकायुक्त आणि लोकपाल कायदा सुद्धा ब्रम्हास्त्र ठरणार आहे . कार्यकर्त्यांनी या तिन्ही कायद्याच्या योग्य आणि कायदेशीर वापर करावा. कायदा वरच लोकतंत्र टिकून आहे . कार्यकर्त्यांनी संघटित होवून लढ़ा दिला पाहिजे. त्यांच्या प्रत्येक कार्यात माझा प्रत्यक्ष सहभाग आणि पाठिंबा नेहमीच राहिल.
अन्नाजी हजारे
जेष्ठ समाजसेवक