मुक्ताईनगर ते जामनेर बस मधुन महिलांच्या सोन्याच्या पोती लंपास;जामनेर मध्ये चोरांची धुमाकुळ

जामनेर-(अभिमान झाल्टे)- मुक्ताईनगर ते जामनेर बस मध्ये चढतांना 3 महिलांच्या मंगळ पोत अज्ञात चोरट्यांनी चोरुन नेल्याची घटना आज रोजी घडली

सविस्तर वृत्त असे की मुक्ताईनगर येथुन जामनेर करीता काही महिला प्रवासी बस क्र एम एच 20 डी. 8857 मध्ये बसल्या परंतु बस जामनेर मध्ये दाखल होताच सोन्याच्या पोती चोरली गेली असे समजताच बस थेट पोलीस ठाण्यात आणण्यात आली. बस मधील प्रवाश्यांपैकी धनराज रामकृष्ण माळी रा. कुऱ्हाड ता .पाचोरा व्यवसाय शेती यांनी अज्ञात विरुदध फिर्याद दाखल केली असुन शोभा बाई माळी, व प्रमिला माळी दोन्ही रा . कुऱ्हाड ता .पाचोरा यांच्या देखिल सोन्याची मणी व मंगळसुत्र लंपास झाले आहे.आणि रेखा बाई माळी रा.पाळधी ता . जामनेर यांच्या सुदधा मणी व मंगळसुत्र अज्ञात चोरटयाने चोरुन नेले आहे . एकुण तिन्ही ऐवज ची किंमत-38,200 रु. असुन अज्ञात चोरटयां विरोधात जामनेर पोलिस स्टेशनमध्ये गुन्हा दाखल करण्यात आला आहे.पुढील तपास पोलीस निरीक्षक-प्रताप इंगळे यांच्या मार्गदर्शनाखाली ए.पी.आय-सुंदरडे हे करीत आहेत.