जळगांव(प्रतिनिधी)- मौलाना आझाद अल्पसंख्याक फाऊंडेशन या संस्थेच्या वतीने रामेश्वरी बडगुजर यांना भारतरत्न मौलाना आझाद आदर्श शिक्षिका पुरस्कार २०१९-२० या पुरस्काराने सन्मानित करण्यात आले. रामेश्वरी बडगुजर यांनी जिल्हा परिषद प्राथमिक शाळा वाकटुकी ता.धरणगाव या शाळेत त्यांनी केलेल्या शैक्षणिक क्षेत्रात उल्लेखनीय कार्य केल्याबद्दल त्यांना जळगांव येथे नियोजन भवन जिल्हाधिकारी कार्यालय या ठिकाणी आदर्श पुरस्कार सन्मान सोहळा या कार्यक्रमात त्यांना ग.स.सोसायटीचे अध्यक्ष मनोज पाटील व महाराष्ट्र राज्य मराठी पत्रकार संघाचे जिल्हाध्यक्ष प्रवीण सपकाळे व मौलाना आझाद संस्थेचे अध्यक्ष फिरोज शेख यांचा हस्ते सन्मानित करण्यात आले. रामेश्वरी बडगुजर यांना पुरस्कार मिळाल्याबद्दल गटशिक्षण अधिकारी श्री बाविस्कर, केंद्र प्रमुख कोकिळा जगदाडे यांच्या मार्गदर्शनाखाली उल्लेखनीय कामगिरी केली आहे. त्यांना मिळालेल्या पुरस्कारा बद्दल सौ. शुचिता, सौ. दिवटे श्री. बिराजदार यांच्यासह सर्व शिक्षकांनी त्यांचे कौतुक केले.
