जळगांव(प्रतिनिधी)- तालुक्यातील वावडदा येथील गोकुळ शिंपी यांचे चिरंजीव भावेश शिंपी व दर्शन शिंपी हे दोघंही म्हसावद येथील थेपडे विद्यालयातील विद्यार्थी आहेत.भावेश हा इयत्ता ९ वी तर दर्शन हा इयत्ता ६ वी या वर्गात शिकत असुन शेतातल्या साध्या मातीपासुन गणेश मुर्ती बनवायचे असे दोघांना सुचले व दोघांनी अवघ्या ३दिवसांत परिश्रमाने फार सुंदर व देखनी अशी गणेशमुर्ती बनविली.त्यांनी बनविलेली मुर्ती सर्वांना आवडली असून, शाळु माती ऐवजी तुम्ही शेतातल्या माती पासुन छान गणेश मुर्ती बनवली म्हणुन कौतुक केले.
