दिनांक:०८ मे २०२०
आज कोरोनासारख्या महाभयंकर आजाराने देशावर घाला घातला आहे. देशात गेल्या महिनाभरापेक्षा जास्त कालावधीपासून लॉकडाऊन पुकारण्यात आला आहे. या संकटसमयी वैद्यकीय अधिकारी, पोलीस प्रशासन तसेच महानगरपालिका आणि आपत्ती व्यवस्थापन कर्मचारी, त्याचप्रमाणे बहुतांश सामाजिक संस्था तसेच राजकीय कार्यकर्ते आपापल्या परीने सर्वाना सेवा देण्याचे उत्तम कार्य करत आहेत.
पोलीस अधिकरी व कर्मचारी सुद्धा आपल्या जीव धोक्यात घालून राज्यात व देशात कायदा व सुव्यवस्था नांदावी यासाठी प्रयत्न करत आहेत. त्यांच्याच कार्याप्रती कृतज्ञता म्हणून व त्यांच्या आरोग्याची प्राथमिकता म्हणून मैत्री फाउंडेशन व सत्यमेव जयते ट्रस्ट नवी मुंबई यांच्या वतीने नेरुळ पोलीस बांधव व नेरुळ-सीवूड्स वाहतूक पोलीस बांधवाना सॅनिटायझर व मास्क वाटप करून आभार व्यक्त करण्यात आले.
प्रसंगी सत्यमेव जयते ट्रस्ट इंडिया चे राष्ट्रीय अध्यक्ष संजयजी पवार, नवी मुंबई सरचिटणीस अक्षय काळे, हेमंत पोमण, श्रीकांत तुळसकर, अनिरुद्ध खवले उपस्थित होते.
