पाचोरा-(प्रमोद सोनवणे) – तालुक्यातील सावखेडा डांभुर्णी पिंपरी या भागात राष्ट्रवादी काँग्रेस पक्षाचा जोरदार प्रचार माजी आमदार दिलीप वाघ यांची प्रचार फेरी उत्साहात संपन्न झाली. यावेळी राष्ट्रवादीचे प्रकाश भोसले ए बी अहिरे सर जयसिंग कारभारी तसेच या भागातील प्रमुख कार्यकर्ते मोठ्या संख्येने उपस्थित होते. सावखेडा येथे भैरवनाथ मंदिर नारळ वाहून प्रथम सुरुवात करण्यात आली. या ठिकाणी महिलांनी शिक्षण औक्षण केले. गावात विकास नसल्याने गावकऱ्यांनी नाराजी व्यक्त करत सिंचनाचे प्रश्न बाबत चर्चा केली. रस्ते मूलभूत सुविधा या भागात दिसून आले नाहीत म्हणून पाच वर्षांच्या कार्यकाळात आमदार किशोर पाटील यांनी जनतेची व मतदारांची दिशाभूल केली असल्याचा आरोप करण्यात आला. यामुळे ग्रामस्थांमध्ये परिवर्तनाचा सुर जोर धरू लागला आहे. दिलीप भाऊ आमदार होणारच या स्वरूपाच्या घोषणा कार्यकर्त्यांनी या ठिकाणी दिल्या. परिसर घोषणांनी दणाणून गेला होता. प्रत्येक गावात दिलीप वाघ यांना प्रतिसाद मिळत होता. गावातील लहान-मोठे आबालवृद्ध शेतकरी कष्टकरी मजूर यांनी दिलीप भाऊंच्या पाठीशी उभे राहणार असल्याचे मत गावकऱ्यांनी व्यक्त केले. जयशिंग परदेशी रघुनाथ वाघ प्रा शिवाजी पाटील विकास पाटील दिनकर पाटील विलास पाटील मेजवान भागवत पाटील, दादाभाऊ पांचाळ, व असंख्ये कार्यकर्ते उपस्थित होते.
