जळगाव दि.२७ -के.सी.ई. संचलित एकलव्य क्रीडा संकुल जळगाव येथे खेळांना प्रोत्साहन देण्याकरिता संस्थेचे अध्यक्ष मा. प्रज्ञावंत श्री. नंदकुमार बेंडाळे यांचे महत्वकांक्षी प्रकल्प के.सी.ई. क्रीडा महोत्सव दि. २१ जानेवारी ते २४ जानेवारी २०२५ दरम्यान के.सी.ई. संस्था संचलित सर्व शाळा व महाविद्यालयांमध्ये घेण्यात आली. कार्यक्रमाच्या उदघाटन प्रसंगी कवयित्री बहिणाबाई चौधरी उत्तर महाराष्ट्र विद्यापीठाचे कुलगुरू डॉ. विजय एल.माहेश्वरी उपस्थित होते.
सदर क्रीडा महोत्सवात के.सी.ई. संस्थेच्या सर्व २२ शाखेतील विद्यार्थी, शिक्षक व शिक्षकेत्तर कर्मचारीनी सहभाग नोंदविला. संपूर्ण स्पर्धेत “चॅम्पियन्स ऑफ चॅम्पियन्स” चा खिताब पटकावून ओरीयन सी.बी.एस.ई. स्कूलने अनुक्रमे ७२ सुवर्ण पदक, ७८ रजत पदक व ५६ कांस्य पदक एकूण २०६ पदके पटकावून सार्वोच्च स्थान प्राप्त केले. खेळाडू, क्रीडाशिक्षक, विषय शिक्षक तसेच कर्मचाऱ्यांमध्ये प्रचंड उत्साहाचे वातावरण दिसून आले. कार्यक्रम समापन प्रसंगी के.सी.ई. संस्थेच्या संचालक मंडळातील सर्व माननीय पदाधिकारी तसेच सर्व शाखांचे पदाधिकारी उपस्थित होते. के.से.ई. संस्थेचे संचालक प्रज्ञावंत श्री. नंदकुमार बेंडाळे, के.सी.ई. संस्थचे संचालक मंडळ, ओरीयन सी.बी.एस.ई. शाळेच्या प्राचार्या सौ. सुषमा कंची व एकलव्य क्रीडा संकुलाचे प्रशासकीय अधिकारी डॉ. श्रीकृष्ण बेलोरकर यांनी सर्व विजेत्यांचे अभिनंदन करून शुभेच्छांचा वर्षाव केला.
