कासोदा ता. एरंडोल( सागर शेलार )-तालुक्यात बहुतांश ठिकाणी मोठ्या प्रमाणात अवैध धंदे सुरू असुन येथील कासोदा पोलिस स्टेशन हद्दीतील अंतुर्ली खुर्दे येथे स.पो.नि.रविंद्र जाधव यांनी गुप्त माहितीच्या आधारे काल दि.३ मार्च रोजी त्यांच्या मार्गदर्शनाखाली पी.एस.आय. नरेश ठाकरे , पो.कॉ.जितेश पाटील , पो.ना. शरद राजपूत, पो.कॉ इम्रान पठाण यांच्या टिमने संध्याकाळी ४.३० व ७ च्या दरम्यान गुप्त माहितीच्या आधारे छापा टाकला असता. तेथील पाण्याच्या टाकी जवळील शेतात रमेश प्रेमसिंग भिलाला ( पावरा ) यांच्या गावठी हातभट्टी वर धाड टाकत २८० लिटर गावठी दारूसह प्लास्टिक ड्रमभरलेले कच्चे रसायन , ८४०० रुपये किमतीचा मुद्देमाल जप्त केला असून रमेश पावरा यांच्यावर महाराष्ट्र पोलीस दारूबंदी प्रॉव्हिशन कलम ६५ ( फ )नुसार कासोदा पोलीस स्टेशन येथे गुन्हा दाखल करण्यात आला आहे. या कार्यवाही ने स.पो.नि.रविंद्र जाधव यांच्या टिम सह कासोदा पोलीस स्टेशन चे सर्वत्र कौतुक केलं जातं आहे.
