अमळनेर तालुका प्रतिनिधी : अमळनेर येथील आणखी एका एस.टी.कर्मचाऱ्यास छातीत दुखू लागल्याने खाजगी रुग्णालयात दाखल करण्यात आले आहे. निलंबनाची कारवाई मागे घेतल्याने कामावर जाण्यावरून कर्मचारी दडपणाखाली वावरत आहे असे दिसून येत आहे.
मंगळवारी एका कर्मचाऱ्याला रुग्णालयात दाखल केल्यानंतर ही दुसरी घटना आहे.अमळनेर आगर ने चालक क्र.8255 दीपक हिरामन पाटील व वाहक व्ही आर चौधरी याना पारोळा कडे बस नेण्याचे आदेश दिले असता चालक दीपक पाटील यांना अचानक छातीत दुखू लागले त्या नंतर त्यांचा सहकाऱ्यांनी त्यांना ग्रामीण रुग्णालयात हलवले असता डॉ. जि. एम.पाटील यांनी त्यांना खाजगी रुग्णालयात दाखल करायला सांगितले.
त्या नंतर त्यांना खाजगी रुग्णालयात हलवण्यात आले त्या वेळी वाहतूक निरीक्षक आर एस पाटील उपस्थित होते. सध्या दीपक पाटील यांच्यावर खाजगी रुग्णालयात उपचार सुरू असून या वेळी दीपक पाटील यांच्या परिवार तर्फे सरकार वर गंभीर आरोप करण्यात आले.
