प्रतिनिधी। मोहा(हर्षवर्धन मडके)
कळंब तालुक्यातील मोहा येथे आमदार राणाजगजितसिंह पाटील यांच्यावतीने गरजूंना २५० सॅनिटायजर आणि ५०० मास्कचे मोफत वाटप करण्यात आले.
कोरोना संसर्ग रोखण्यासाठी प्रशासकीय, राजकीय स्तरातून कशोशीचे प्रयत्न चालू असल्याचे पाहायला मिळत आहे. ग्रामीण भागात सर्वसामान्यांना मास्क, सॅनिटायजर आवश्यक असतानाही खरेदी करता येत नसल्याचे दिसत असल्याने मोहा जिल्हापरिषद गटात आमदार रानाजगजितसिंह पाटील यांच्यावतीने जिल्हापरिषद सदस्य संदीप मडके यांनी १२५० सॅनिटायजर आणि ५००० मास्क वाटप केले आहे. त्यापैकी मोहा गावात गरजूंचा शोध घेत ५०० मास्क आणि २५० सॅनिटायजर वाटप करण्यात आले. यावेळी सरपंच राजू झोरी, ग्रामविकासअधिकारी सी एन लोकरे, पोलीसपाटील प्रकाश गोरे, तंटामुक्ती अध्यक्ष निरंजनदत्त पाटील, उपाध्यक्ष अंकुश मडके, अच्युत मडके, सहशिक्षक संजय मडके, सुदर्शन मडके, मनोज मडके, अतुल मडके, आदी नागरिक उपस्थित होते.
