कानळदा ता.जळगांव – लोकसभेचे सार्वत्रिक निवडणुकीचे औचित्य साधून तसेच निवडणुकीत मतदानाची टक्केवारी वाढावी म्हणून कानळदा गावात मोठ्या उत्साहात मतदार जनजागृती रॅली काढण्यात आली.याप्रसंगी रॅलीत आदर्श विद्यालय कानळदा, जि. प.मुलांची आणि मुलींची शाळा कानळदा शाळेतील मूल आणि मुली यांचा समावेश होता.याप्रसंगी मुला-मुलींनी मतदान जनजागृतीचे बॅनर तसेच”चला मतदान करूया देशाची प्रगती घडवूया”, “ना जातीवर ना धर्मावर,बटन दाबा कार्यावर” ,”सोडा सारे काम धाम मतदान करणे पहिले काम”यासारख्या घोषणांनी मतदारांना मतदान करण्यासाठी जागृत केले.मतदान जनजागृतीच्या रॅलीच्या प्रसंगी आदरणीय सौ.सरला विजय पाटील-गटशिक्षणाधिकारी पंचायत समिती जळगांव, आदरणीय श्री. दिगंबर भिकन जाधव – निवडणूक अधिकारी तथा नायब तहसीलदार जळगांव, आदरणीय श्री.ज्ञानेश्वर रमेश माळी – तलाठी कानळदा तसेच आदर्श विद्यालय कानळदा शाळेचे मुख्याध्यापक,पर्ववेक्षक,शिक्षकवृंद,जि.प.मुला-मुलींच्या शाळेतील मुख्याध्यापक व शिक्षकवृंद तसेच कानळदा गावातील सर्व बी.एल.ओ. मतदान जनजागृतीला उपस्थित होते.
