भडगाव (वार्ताहर)- भडगाव तालुका ॲथलेटिक्स असोसिएशन तसेच किसान स्पोर्ट्स अकॕडमी,भडगाव यांच्या संयुक्त विद्यमाने जागतिक ॲथलेटिक्स दिन खेळाडू,प्रशिक्षक तसेच मार्गदर्शकांच्या मोठ्या उत्साहाने साजरा करण्यात आला.
यावेळी जागतिक ॲथलेटिक्स दिनानिमीत्त थाळी,गोळा,भाला,रिले बॕटन,ॲथलेटिक्स प्रॕक्टीस कीट,मार्कींग टेप आदि साहित्याचे तसेच मैदानाचे पुजन करण्यात आले.
जागतिक ॲथलेटिक्स दिन आंतरराष्ट्रीय हौशी ॲथलेटिक्स फेडरेशन तर्फे आयोजित व प्रायोजित केला जातो,निरोगी आणि तंदुरुस्त भविष्यासाठी तरुणांना या कार्यक्रमांमध्ये भाग घेण्यासाठी प्रोत्साहीत करणे महत्वाचे असून जागतिक ॲथलेटिक्स दिन हा एक यशस्वी उपक्रम असल्याचे मत भडगाव तालुका ॲथलेटिक्स असोसिएशनचे सचिव प्रा.प्रेमचंद चौधरी यांनी आपल्या प्रास्ताविकातुन व्यक्त केले.
सदर कार्यक्रम जळगाव जिल्हा मध्यवर्ती सहकारी बँकेचे संचालक प्रतापराव पाटील,दुध फेडरेशनच्या संचालिका डॉ.पुनमताई पाटील,मंत्रालयातील अव्वर सचिव प्रशांतराव पाटील,जळगाव जिल्हा ॲथलेटिक्स असोसिएशनचे सचिव प्रा.राजेश जाधव यांच्या प्रेरणेने घेण्यात आला,यावेळी राष्ट्रीय पंच प्रेमचंद चौधरी,स्केटींग प्रशिक्षक आतिक साटोटे,नृत्य विशारद प्रदीप राजपूत तसेच राहुल देशपांडे उपस्थित होते.
