जळगांव(प्रतिनिधी)- आंतरराष्ट्रीय स्तरावर काम करणाऱ्या युनेस्को या संस्थेच्या शैक्षणिक आणि सामाजिक विभागाच्या कार्यक्षेत्रात कार्य करणाऱ्या युनेस्को इंटरनॅशनल स्कुल अँड सोशल या विभागाच्या अखिल भारतीय युनेस्को क्लब या संस्थेच्या जळगांव जिल्हा शाखेच्या जिल्हा समन्व्यक पदी चेतन निंबोळकर यांची निवड करण्यात आली आहे. सदर संस्था विद्यार्थ्यांच्या हितासाठी प्रत्येक शाळेत युनेस्को क्लबची स्थापना करणार असून विद्यार्थ्यांना युनो आणि युनेस्कोची माहिती देणार आहे. युनो क्वीज, निबंध स्पर्धा, युनेस्को हेरिटेज साईटचे दर्शन, पुस्तकं प्रदर्शन, युनो असेम्ब्ली तसेच सामाजिक व पर्यावरणीय विविध कार्यक्रम विद्यार्थी, शिक्षक, पालक, यांच्यासाठी आयोजित केले जाणार आहे. ज्यांना खान्देश युनेस्को क्लब जळगाव मध्ये सभासदत्व घ्यायचे असेल त्यांनी चेतन निंबोळकर व नारायण पवार यांच्याशी संपर्क साधावा असे आवाहन करण्यात आले आहे.
