सौ. रजनीताई नानासाहेब देशमुख कला, वाणिज्य विज्ञान महाविद्यालयात प्रवेश प्रक्रिया सुरू करण्यात आलेली आहे. कला, वाणिज्य व विज्ञान या तिन्ही शाखांमध्ये प्रथम वर्षाला प्रवेश घेणाऱ्या विद्यार्थ्यांसाठी ही प्रवेश प्रक्रिया राबविण्यात येत आहे.
महाविद्यालयातील अनुभवी व तज्ञ प्राध्यापक वृंद, महाविद्यालयाचा विस्तीर्ण व निसर्गरम्य परिसर, समृद्ध ग्रंथालय, सुसज्ज प्रयोगशाळा, संगणक प्रयोगशाळा, विद्यार्थी विकास विभाग, राष्ट्रीय सेवा योजना, विद्यापीठाच्या टॉप टेन मध्ये असणारा क्रीडा विभाग, भारत सरकार शिष्यवृत्ती, विविध अभ्यासाभिमुख व अभ्यासेतर उपक्रम या सर्व वैशिष्ट्यांमुळे महाविद्यालयात शहर व तालुक्यातील विद्यार्थ्यांचा ओढा वाढलेला आहे. या पार्श्वभूमीवर प्रथम वर्ष कला (एफ. वाय. बी.ए.), प्रथम वर्ष वाणिज्य (एफ. वाय. बी. कॉम.) व प्रथम वर्ष विज्ञान (एफ. वाय. बी. एस. सी.) या वर्गांमध्ये प्रवेश घेण्यासाठी विद्यार्थ्यांनी लवकरात लवकर महाविद्यालयाशी संपर्क साधावा, असे आवाहन प्राचार्य डॉ. एन. एन. गायकवाड, उपप्राचार्य प्रा. एस आर. पाटील, प्रवेश समिती प्रमुख प्रा. एल. जी. कांबळे व प्रवेश समितीच्या सर्व सदस्यांनी केले आहे.
