रावेर – (प्रतिनिधी) – रावेर मतदारसंघाचे लोकप्रिय आमदार मा. शिरीष मधुकरराव चौधरी यांच्या ६५ व्या वाढदिवसानिमित्त अभिष्टचिंतन सोहळा आज २३ मे २०२४ गुरुवार रोजी सकाळी ९.०० वा मंगलम लॉन्स (बहऱ्हाणपूर रोड) रावेर येथे मधुस्नेह परिवार व आ. शिरीषदादा मित्र परिवार यांच्या वतीने आयोजित करण्यात आला होता.
मा. आ. शिरिषदादा चौधरी यांनी वाढदिवसाच्या निमित्ताने ”आज वयाची ६५ वर्षे पुर्ण करित असतांना आता पुढे पुत्र धनंजय याच्याकडे राजकीय आणि सामाजिक वारसा सोपवत असून पुढील काळात समाजसेवा, कृषी, शिक्षण, आध्यात्म यात जीवन व्यतीत करणार असल्याबाबत असे स्पष्ट भूमिका असणारे प्रतिपादन यावल-रावेर विधानसभा मतदारसंघाचे लोकप्रिय आमदार शिरीषदादा चौधरी यांनी आज रावेर येथील कार्यक्रमात केले आहे. आज वाढदिवसानिमित्त मनोगत व्यक्त करतांना त्यांनी सर्वांचे आभार मानत चिरंजीव धनंजयला आशीर्वाद देण्याचे आवाहन देखील केले आहे.
या कार्यक्रमास प्रमुख अतिथी म्हणून ॲड. रविंद्रभैय्या पाटील (जिल्हाध्यक्ष, राष्ट्रवादी काँग्रेस पार्टी शरदचंद्र पवार गट), मा. प्रदिप गुलाबराव पवार (जिल्हाध्यक्ष, काँग्रेस पार्टी), मा. विष्णू भंगाळे (जिल्हा प्रमुख, शिवसेना-उध्दव ठाकरे गट) व मा. श्रीराम दयाराम पाटील (उद्योजक) व रोहिणीताई खडसे (राष्ट्रवादी महिला प्रदेशअध्यक्ष)व शुभांगीताई पाटील (ऊ.ठा.बा. शिवसेना)तसेच जिल्हयातील मान्यवरांसह मधुस्नेह परिवारातील संपुर्ण पदाधिकारी, प्राध्यापक, शिक्षक व कर्मचारी उपस्थित होते.
