जळगांव(प्रतिनिधी)- भाजपचे नेते तथा माजी मंत्री एकनाथराव खडसे हे राष्ट्रवादीत प्रवेश करणार असल्याची चर्चा संपूर्ण राज्यभरात जोर धरून आहे. याचं पार्श्वभूमीवर आज जिल्ह्यातील राष्ट्रवादीच्या पदाधिकाऱ्यांनी थेट नाथाभाऊंची भेट घेत त्यांनी लवकरात लवकर पक्षात यावं, असं साकडं घातलं. राष्ट्रवादी विद्यार्थी संघटनेच्या माजी विद्यार्थी संघटनेच्या अध्यक्ष अमित पाटील, राष्ट्रवादीचे माजी महानगराध्यक्ष परेश कोल्हे, जिल्हा कार्यालयीन सरचिटणीस संजय चव्हाण, माजी जिल्हा उपाध्यक्ष विद्यार्थी काँग्रेस अजय बढे आदी पदाधिकाऱ्यांनी एकनाथराव खडसे यांची भेट घेऊन राष्ट्रवादी काँग्रेस बळकटी साठी त्यांनी लवकर पक्ष प्रवेश करावा असे आमंत्रण देण्यात आले. राष्ट्रवादी काँग्रेस पक्षात नाथाभाऊ आल्यास बहुजन समाजातील नेत्याला खऱ्या अर्थाने न्याय मिळणार असून तसेच पक्षाला देखील लाभ होणार असल्याचे प्रतिपादन यावेळी पदाधिकाऱ्यांनी केले. पक्षाच्या पदाधिकाऱ्यांनी त्यांची भेट घेऊन साकडे घातल्याने राजकीय वर्तुळात चांगलीच चर्चा रंगली आहे.
