जळगाव, दि. 15 (जिमाका वृत्तसेवा) : – जिल्हा कौशल्य विकास रोजगार व उदयोजकता मार्गदर्शन केंद्र जळगाव आणि नुतन मराठा महाविदयालय जळगाव यांच्या संयुक्त विदयमाने स्वातंत्रयाचा अमृत महोत्सवानिमित्त दिनांक 28 सप्टेंबर रोजी सकाळी 10.00 वाजता नुतन मराठा महाविदयालय हॉल, कोर्ट रोड, जळगाव येथे पंडित दिनदयाळ उपाध्याय रोजगार मेळाव्याचे ” आयोजन करण्यात आले आहे. या मेळाव्यासाठी खाजगी आस्थापनांनी एकूण 316 रिक्तपदांची मागणी कळविलेली असून रिक्तपदासाठी शैक्षणिक पात्रता 12 वी पास, आय. टी. आय डिप्लोमा धारक पदवीणर आणि इतर शैक्षणिक पात्रताधारक उमेदवारांनी या सुवर्ण संधीचा लाभ घ्यावा.
उदयोजकाना विविध रिक्तपदांसाठी पात्र उमेदवारांची निवड करावयाची असल्याने आपण स्वखर्चाने मेळाव्यास उपस्थित रहावे. मेळाव्यास येतांना शैक्षणिक पात्रतेची प्रमाणपत्रे, बायोडाटा, पासपोर्ट फोटो इतयादीसह उपस्थित रहावे. विभागाचे संकेतस्थळ www,mahaswayam.gov.in यावर नोंदणी केलेल्या उमेदवारांनी रोजगार मेळाव्याचा लाभ घ्यावा तसेच नांव नोंदणी न केलेल्या उमेदवारांनी संकेतस्थळावर त्वरीत नांव नोंदणी करुन घ्यावी, उमेदवारांनी ऑन लाईन नाव नोंदणी केल्यानंतर उमेदवारांना मिळालेल्या युझर आयडी व पासवर्डच्या अनुषंगाने विभागाच्या संकेतस्थळावर उपलब्ध असलेल्या सुविधांचा आणि माहितीचा देखील उमेदवारांना लाभ घेता येतो.
तरी उमेदवारांनी आयोजीत करण्यात आलेल्या मेळाव्याचा लाभ घेण्याचे आवाहन सहाय्यक आयुक्त जिल्हा कौशल्य विकास रोजगार व उदयोजकता मार्गदर्शन् केंद्र जळगाव वि.जा. मुकणे यांनी एका प्रसिध्दीस दिलेल्या पत्रकान्वये कळविले आहे. याबाबत काही अडचण असल्यास कार्यालयीन कामकाजाच्या दिवशी सकाळी 9.45 ते संध्या 6.15 या वेळेत कार्यालयाशी कार्यालयीन दुरध्वनी क्रमांक 0257-2959790 वर संपर्क साधावा.
