जळगाव – जिल्हा व सत्र न्यायालय, जळगांव यांचे कोर्टात दि. १ ऑक्टोबर २०२२ रोजी न्यायनिर्णय घोषीत होऊन आरोपी १) नवल राजू बोरसे, रा.कजगाव पिंप्री, ता. भडगाव, जि. जळगांव २) अनिता (अनिताबेन) वाघ, रा.डोमगांव, ता.जि.जळगांव. ३) मोतीराम उर्फ राजहंस कडूकर ४) मालता उर्फ मालती मोतीराम कडूकर ५) जितेश उर्फ जितेंद्र धनराज सपकाळ ३) ते ५) रा.धोबी-वराड बु॥ ता.जि. जळगांव या आरोपींची भा.द.वि.कलम ३६३,३६६,३६६-अ,३७६ (२) (i) (n) व ३७७ सह कलम ३४ तसेच बालकांचे लैंगिक अपराधांपासून संरक्षणाचा कायदा, २०१२ (बालकांचा कायदा) चे कलम ४ व ८ तसेच बालविवाह प्रतिबंध अधिनियम २००६ (२००६ चा कायदा) चे कलम ९ आणि १० अन्वये शिक्षेस पात्र असलेल्या गुन्ह्या संदर्भात आरोपींविरुध्द प्रस्तुत खटला चालवण्यात आला.
विशेष खटला क्र. ५१/२०१८ प्रमाणे सदर प्रकरणामध्ये महाराष्ट्र शासनातर्फे पो.नि. जामनेर पो.स्टे.ता.जामनेर, जि.जळगांव मार्फत सदरचा खटला प्रस्तुत आरोपींविरुध्द दाखल करण्यात आला होता. सदर खटला ३ वर्ष ९ महिने कालावधीत चालला. एकूण ७ साक्षीदार सदर प्रकरणात तपासण्यात आले व दोन्ही बाजूंचा युक्तीवाद ऐकून घेऊन उपलब्ध तोंडी व कागदोपत्री पुराव्याचे सुक्ष्म अवलोकन केल्यानंतर मा. सत्र न्यायालयाने सदर प्रकरणामध्ये सरकार पक्ष आरोपींच्या विरुध्द सर्व संशयाच्या पलीकडे जाऊन गुन्हा शाबित करण्याची प्राथमिक जबाबदारी अभियोग पक्षावर असतांना तसेच वेगळे वेगळे मुद्दे एकत्रितपणे चर्चा करण्यात येऊन आरोपींचा बचाव व मुद्दे लक्षात घेऊन आरोपींना त्यांच्या बचावाची संधी दिल्यानंतर सरकार पक्षाच्या साक्षीदारांची साक्ष घेतल्यानंतर सदर आरोपी १ ते ५ यांच्याविरुध्द गुन्हा शाबित न झाल्यामुळे मा.न्यायालयाने त्यांना वरील सर्व नमुद कलमांतर्गत दाखल गुन्ह्यातून निर्दोष मुक्त करण्यात येत असल्याचा आदेश दिला. सदर कामकाजामध्ये आरोपी क्र. १ ते ५ यांच्यातर्फे बचावाचे कामी मे. न्यायालयात आरोपींकडून ॲड. संजयकुमार पंडितराव वाघ, जळगांव यांनी काम केले.
