विरोदा(किरण पाटिल)- कोरोनाच्या पार्श्वभूमीवर लॉकडाऊन व संचारबंदी असतानाही आदेशाचे उल्लंघण करीत चहा विक्री सुरू ठेवल्यानंतर शहरातील चहा विक्रेता अजहर अली सादीक अली (२१, रा.इस्लामपुरा, फैजपूर) याच्याविरुद्ध गुन्हा दाखल करण्यात आला. जिल्हाधिकारी यांचे अत्यावश्यक सेवा वगळून इतर आस्थापना बंद असण्याबाबत आदेश असतांनाही चहा टपरी उघडी ठेवल्याने अजहर अली यांच्याविरुद्ध भादंवि १८८ प्रमाणे गुन्हा दाखल करण्यात आला आहे. अधिक तपास फैजपूर पोलिस करीत आहेत. आदेशाचे उल्लंघन करणाऱ्या विरुद्ध आपत्ती व्यवस्थापन कायदा २००५ व भारतीय साथरोग नियंत्रण अधिनियम १८९७ मधील तरतुदीनुसार कारवाई करण्यात येईल असे सूचित करण्यात आले आहे.
