जळगाव – (प्रतिनिधी) – येथिल रेड प्लस रक्तपेढीचे संचालक भरत गायकवाड यांचा वाढदिवस खडके बु.ता एरंडोल येथील अनाथ, निराधार मुलां मुलींच्या संस्थेत साजरा केला. या निमित्ताने मित्र परिवारातील सदस्यांनी मुलांशी संवाद साधला व मार्गदर्शन केले.वाढदिवसाच्या निमित्ताने संस्थेतील मुलींनी औक्षण करुन शुभेच्छा दिल्या.
नंतर मुलांना भरीत पुरी जिलेबी सॅलड असे स्वादिष्ठ भोजन दिले. नंतर मुलींनी स्वागतगीत म्हणून वाढदिवसाच्या शुभेच्छासाठी गीत म्हटले. संस्थेतील मुलांना पाहुन व आनंदित वातावरण पाहुन मान्यवर भारावून गेले. त्यामुळे या बालकांसाठी आणखी मदत करण्याची इच्छा व्यक्त केली आणि संस्थेला भावी वाटचालीसाठी शुभेच्छा दिल्या. अधिक्षक मधुकर कपाटे यांनी संस्थांतील मुलासाठी रक्त तपासणी शिबिर आयोजित करण्याविषयी सुचविले असता लवकरच आयोजन करू असे आश्वासन दिले.
वाढदिवसासाठी श्री.दिपक सपकाळे मुख्य संपादक सत्यमेव जयते,दिपक दाभाडे जिल्हाध्यक्ष विश्व हिंदु परिषद जळगाव ,बाळासाहेब गव्हाणे जिवनज्योती रक्तपेढीचे औरंगाबाद ,अमोल शेलार,जावेदभाई ,सुकलाल सुरवाडे उपस्थित होते.
या कार्यक्रमाप्रसंगी संस्थाचालक दादासो.प्रभाकर पाटील यांनी वाढदिवसाच्या शुभेच्छा दिल्या. व वाढदिवस संस्थेत साजरा केल्यामुळे भरत गायकवाड यांचे आभार मानले.
कार्यक्रमासाठी अधिक्षक मधुकर कपाटे ,प्रमोद पाटील ,तुषार अहिरे,गणेश पंडीत ,ज्ञानेश्वर पाटील,हेमंत पाटील,अरूणा पंडीत ,सौ.रेखाबाई देशमुख यांनी परिश्रम घेतले.
