बोदवड :- (अमित जैन )जैन समाजाचे राष्ट्रसंत आचार्य पूज्य श्री. आनंदऋषीजी म. सा. यांचे लाडके सुशिष्य युवाचार्य प्रवर पूज्य श्री महेंद्र ऋषीजी म. सा. यांचे बोदवड शहरात 21डिसेंबर रोजी सकाळी 9वाजता आगमन झाले. युवाचार्य 20डिसेंबर रोजी जुनोना येथे होते. युवाचार्य यांच्या स्वागतासाठी सर्व जैन बंधू , भगिनी , लहान मुले सर्वांची उपस्थिती होती. आगमनानिमीत्त पूर्ण रस्त्याने गुरु महाराजाचे स्वागताचे बॅनर लावले आहे, लहान मुलांनी हातात स्वागत चे बोर्ड घेत स्वागत केले तसेच सर्व भगिनींनी डोक्यावर कळस घेऊन कळस यात्रा काढली. पूर्ण रोडावर रांगोळी काढली होती. मास्क व सोशलडिस्टन चे पालन केले जात होते.
