जळगाव(प्रतिनिधी)- मेहरुण येथील अमन रोटरी फौंडेशन, बागबान विकास फौंडेशनचे अध्यक्ष, भारतीय जर्नलिस्ट फेडरेशनचे जिल्हाध्यक्ष आणि भारतीय पत्रकार संघाचे महाराष्ट्र सचिव व सामाजिक कार्यकर्ते डॉ. शरीफ बागवान यांची मौलाना आझाद अल्पसंख्यांक समाज विकास फौंडेशन जळगाव या संस्थेने विविध सामाजिक उल्लेखनीय कार्याची योग्य दखल घेऊन व इतरांना प्रेरणा मिळावी म्हणून भारतरत्न मौलाना आझाद आदर्श पुरस्कार २०१९ ने सन्मानित करण्यासाठी निवड केली आहे. नुकतेच तसे निवड पत्र संस्थेमार्फत देण्यात आले. त्यांना २३ रोजी मान्यवरांचे हस्ते पुरस्कार देऊन सन्मानित करण्यात येणार आहे. हा पुरस्कार जाहीर झाल्याने त्यांना अभिनंदन करून शुभेच्छा दिल्या. या प्रसंगही शमीर सलीम, आबीद अली सय्यद, फरहान शरीफ, आमीन निसार, विजय गुप्ता, नाजीम निसार यांनी शुभेच्छा देऊन आनंद व्यक्त केला.
