भडगाव(प्रतिनिधी)- तालुका राष्ट्रवादी काँग्रेस पार्टीच्या सामाजिक न्याय विभागाच्या महिला आघाडीची कार्यकारिणी नुकतीच जाहीर करण्यात आली.
यात भडगाव तालुका अध्यक्षपदी सौ. श्रद्धा नाना गायकवाड यांची नियुक्ती करण्यात आली. सामाजिक न्याय विभागाच्या महाराष्ट्र राज्य सचिव सौ. प्रतिभाताई शिरसाठ यांनी त्यांना त्यासंबंधीचे नियुक्तीपत्र प्रधान केले. पाचोरा-भडगाव विधानसभा मतदारसंघाचे माजी आमदार भाऊसाहेब श्री. दिलीप ओंकार वाघ यांच्या मार्गदर्शनात ही नियुक्ती करण्यात आली.
यावेळी जि. प. सदस्य कु. स्नेहाताई गायकवाड, प्राचार्य डॉ. एन.एन. गायकवाड, राष्ट्रवादी काँग्रेस जिल्हा युवती उपाध्यक्ष सौ. स्नेहल शिरसाठ- पाचपांडे यांची उपस्थिती होती. सौ. श्रद्धा गायकवाड यांच्या नियुक्तीबद्दल त्यांचे पाचोरा नगर परिषदेच्या नगरसेविका सौ. सुचिताताई वाघ, तनिष्का गटाच्या प्रमुख सौ. ज्योतीताई वाघ, भडगाव नगरपरिषदेच्या माजी नगरसेविका सौ. योजनाताई पाटील, भडगाव शहर राष्ट्रवादी महिला काँग्रेसच्या अध्यक्ष सौ. रेखाताई पाटील व राष्ट्रवादी कॉंग्रेस महिला आघाडीच्या पदाधिकाऱ्यांकडून अभिनंदन करण्यात आले.
