जळगाव – इंडियन रेडक्रॉस सोसायटी जिल्हा शाखा जळगावच्या वतीने माननीय जिल्हाधिकारी तथा रेडक्रॉस अध्यक्ष श्री. आयुष प्रसाद यांच्या मार्गदर्शनानुसार रक्षाबंधन हा सण जिल्हा मध्यवर्ती कारागृहातील कैदी बांधवांसोबत आणि पोलीस बांधवांसोबत साजरा करण्यात आला. याप्रसंगी जिल्हा कारागृह अधीक्षक श्री. वांडेकर, सहकारी श्री. गजानन पाटील व सहकार्यांच्या उपस्थितीत शांततापूर्ण व भावनिक वातावरणात सण साजरा झाला. याप्रसंगी रेडक्रॉसच्या जनसंपर्क अधिकारी सौ. उज्वला वर्मा, तंत्रज्ञ सौ. सुनीता मेथे, सौ. सीमा शिंदे, सौ. दीक्षा पाटील, रूपाली बडगुजर यांनी सर्व कैदी बांधवांना राखी बांधली.
याप्रसंगी सर्व कैदी बांधवांना चांगले राहून बाहेर आपले परिवारातील सदस्य आपल्या प्रतीक्षेत असून त्यांच्या प्रेमासाठी आपण लवकर बाहेर पडावे असे सकारात्मक भावनिक आवाहन यावेळी करण्यात आले. परिवाराच्या आठवणीत बऱ्याच कैदी बांधवांचे डोळे पाणावले. परन्तु रेडक्रॉस मार्फत घेण्यात आलेल्या या भाऊबहिणीच्या अत्यंत महत्वपूर्ण सणाच्या उपक्रमामुळे मनाला मोठा आधार मिळाल्याच्या भावना सर्व कैदी बांधवांनी व्यक्त केल्या.
