जळगाव(प्रतिनिधी)- येथील सरस्वती विद्या मंदिर व माध्यमिक विद्यालयात विद्यार्थ्यांनी ऑनलाईन गुरुपौर्णिमा साजरी केली. आज गुरुपौर्णिमेचे औचित्य साधून व विद्यार्थ्यांना लेखन, वाचनाची आवड व निरंतर सराव व्हावा या उद्देशाने ऑनलाईन सुंदर हस्ताक्षर स्पर्धा घेण्यात आली. त्यात विद्यार्थ्यांनी आपल्या भावना शब्दात लिहून शिक्षकांना शुभेच्छा दिल्या. स्पर्धेत निवड झालेले विद्यार्थी गौरव सुतार, भाविका सोंनगडा, अनिकेत चव्हाण, ऐश्वर्या बारी, दर्शन चौधरी, आरुषी हरणे, विद्या वाणी या विद्यार्थ्यांना ऑनलाईन प्रमाणपत्र संस्थेचे अध्यक्ष मनोज पाटील यांच्या तर्फे दिले जाणार आहे. उपक्रमाचे आयोजन सुवर्णलता अडकमोल यांनी केले. तर प्राथमिक व माध्यमिक विभागाच्या मुख्याध्यापिका कल्पना वसाणे व दिपाली देवरे यांनी विद्यार्थ्यांचे कौतुक केले.
