दारु प्रकरणी तीन पोलीस बडतर्फ; एक निलंबित

जळगाव – (प्रतिनिधी) – लॉकडाऊनच्या काळात बंदी असतानाही दारु तस्करी प्रकरणात पोलीस कर्मचारी जीवन पाटील, संजय जाधव व मनोज सुरवाडे या तीन पोलिसांना बडतर्फ तर भारत पाटील यांना निलंबित करण्यात आल्याची विश्वसनीय माहिती आहे. याला पोलीस अधीक्षक डॉ. पंजाबराव उगले यांनी दुजोरा दिला आहे. एमआयडीसी पोलीस निरीक्षक रणजीत शिरसाठ यांचाही बडतर्फचा प्रस्ताव महासंचालकांकडे पाठविण्यात आला आहे.
या कारवाईमुळे पोलिस दलात एकच खळबळ उडाली असून आणखी कारवाया होण्याची शक्यता वर्तवण्यात येत आहे. ज्या ज्या ठिकाणी चोरट्या पद्धतीने दारू विकली गेली तेथील सर्वांवर कारवाई व्हावी अशी अपेक्षाही यानिमित्ताने व्यक्त होत आहे.