विरोदा(किरण पाटिल)- कोरोना विषाणू च्या विरोधात आपण एक मोठी लढाई लढत आहोत. लॉकडाऊनमुळे सर्वसामान्यांना अनेक संकटाना सामोरे जावे लागत आहे. अशा संकटात समाजाप्रती आपण आपले कर्तव्य केले पाहिजे.
कोरोना विषाणूच्या विरोधात केलेले कार्य मदत नव्हे तर कर्तव्य आहे. प्रत्येकाने आपली नैतिक जबाबदारी ओळखून समाजाप्रती कार्य करणे आवश्यक आहे. या लढाईत आपणा सर्वांचेच योगदान महत्वाचे आहे. कोरोनाच्या पार्श्वभूमीवर खा.रक्षाताई खडसे यांच्या माध्यमातून फैजपुर येथे पोलीस स्टेशन, फैजपूर नगरपरिषद, स्वस्तधान्य दुकान, प्रांताधिकारी कार्यलय, दुध डेयरी, बँक येथे सॅनिटायझर वाटप करण्यात आले. यावेळी जिल्हा दुध संघांचे संचालक हेमराज चौधरी, माजी म.सा.का.संचालक नितीन राणे, भाजप शहर अध्यक्ष अनंत नेहेते, डॉ. बंटी वर्मा, जितेंद्र भारंबे, संजय रल, भुषण चौधरी उपस्थित होते.
