<
जळगाव:-समाजातील दुर्लक्षित, उपेक्षित, वंचित व कधीच चर्चेत नसलेल्या घटकांच्या मदतीसाठी “कृती फाऊंडेशन” सदैव तत्पर असते.
कोरोनाच्या उद्रेकामुळे संपूर्ण जग हतबल झालंय.हवेत चालणाऱ्यांचे पाय जमिनीला टेकलेत.तिथे सामान्यांची डाळ काय शिजणार…
ज्यांचा ना फारसा उल्लेख होतो, ना त्यांची दखल घेतली जाते असा किन्नर हा घटक तसा दुर्लक्षच.त्यांना समाजाच्या मुख्य प्रवाहात सामिल करून घेण्याची मानसिकता अजूनही आमच्यात नाही. त्यामुळे हा वर्ग नेहमीच उपेक्षित व दुर्लक्षित राहिला. लग्न समारंभ,बाळाचा नामकरण विधी,किंवा अन्य कार्यक्रमात गायन,नर्तन करून गुजराण करून हे किन्नर आपली उपजिवीका करीत असतात.
एरवी भिक मागून ही पोटाची खळगी भरावी लागतात.
सध्या लाँकडाऊनमुळे सर्व व्यवहार ठप्प झालेले आहेत. त्यामुळे या वर्गाची स्थिती अत्यंत दयनीय झाली. जनजीवन विस्कळीत व ठप्प झाल्यामुळे त्यांच्या उदरनिर्वाहाचे सर्व मार्ग बंद झालेले आहेत.उपजिविकेचे कोणतेही साधन उपलब्ध नसल्याने उपासमारीची वेळ नशीबी आलेली आहे.
अशा प्रतिकूल परिस्थितीत “कृती फाऊंडेशन” तत्परतेने त्यांच्या मदतीसाठी धावून आली.
शहरातील वेगवेगळ्या भागात राहणाऱ्या किन्नरांचा शोध घेऊन त्यांना महीनाभर पुरेल अशा जीवनावश्यक किराणा सामानाचे वाटप केले.शिवाजीनगर,गेंदालाल मिल परीसर, जुना ममुराबाद नाका,शनिपेठ,अजिंठा चौफुली, या ठिकाणी वास्तव्य करीत असलेल्या सुमारें 35 किन्नरांना कृती फाऊंडेशनने याप्रमाणे मदतीचा हात देऊन त्यांच्या दैनंदिन जीवनात चैतन्य निर्माण केले आहे.
कृती फाऊंडेशनचे सचिव श्री. जी.टी.महाजन.डॉ श्रद्धा माळी कपिल महाजन यांच्या कल्पक व दुरदृष्टीतून हा उपक्रम राबविण्यात आला. त्यासाठी संस्थेचे अध्यक्ष श्री. प्रशांत महाजन,कार्याध्यक्ष व पोलिस बिन्तारी संदेश विभागाचे अमित माळी,डी टी महाजन.डॉ मनिषा महाजन.चेतन निंबोलकर पुण्याच्या उषा रामदास कोंडा,अजित कोंडा यांचे सहकार्य लाभले.या उपक्रमासाठी तृतीय पंथीय़ांच्या रानी गुरू.सविताआपा..करीना .शमिमा. राशीबेन अर्चना बेन यांनी फौंडेशन चे आभार व्यक्त केले ..
