<
मुलुंड : शेखर चंद्रकांत भोसले
‘मराठा मंडळ मुलुंड, मुंबई’ या संस्थेने महाराष्ट्रात वाढत चाललेल्या कोरोना संकटाच्या पार्श्वभूमीवर शासनाला मदतीचा हात देण्यासाठी मुख्यमंत्री सहाय्यता निधीसाठी रु २,५१,००० चा धनादेश दि ३० एप्रिल रोजी मुलुंडचे तहसीलदार डॉ.संदिप थोरात यांच्याकडे मराठा मंडळाचे अध्यक्ष श्री. रमेश र.शिर्के यांच्या शुभहस्ते सुपूर्द करण्यात आला.
गेल्या ४२ वर्षांपासून सामाजिक, शैक्षणिक व सांकृतिक क्षेत्रात काम करणाऱ्या व लोकादरास पात्र ठरलेल्या मुलुंडमधील या मराठा मंडळ संस्थेचे अध्यक्ष रमेश शिर्के यांनी संस्थेचे सभासद व ज्ञातीबांधव याना केलेल्या आवाहनास मिळालेल्या प्रचंड प्रतिसादातूनच हा निधी जमा झाला होता.
सदर धनादेश तहसीलदारांकडे सुपूर्द करताना संस्थेचे सरचिटणीस अजय खामकर, सहचिटणीस राजन भोसले व कोषाध्यक्ष प्रमोद देसाई हे देखील उपस्थित होते.
