गावी जाणाऱ्यांसाठी लालपरीची मोफत सेवा – अनिल परब

दिनांक: ९ मे २०२०, मुंबई प्रतिनिधी

देशात कोरोनाचा वाढत प्रादुर्भाव लक्षात घेता केंद्र सरकारने देशात तातडीने लॉकडाऊन करण्याचा निर्णय घेतला होता. मात्र या निर्णयामुळे देशात ठिकठिकाणी कामानिमित्त, पर्यटनासाठी, शिक्षणासाठी, नोकरीनिमित्त गेलेले लोक हे त्या त्या ठिकाणी अडकले आहेत. मात्र अशा लोकांसाठी राज्य सरकारने एक दिलासादायक निर्णय घेतला आहे.
महाराष्ट्र राज्य सरकारकडून लॉकडाउनमूळे अडकलेल्या लोकांना त्या त्या राज्यात अथवा जिल्ह्यात पाठवण्यासाठी हा प्रशंसनीय निर्णय घेण्यात आला आहे. आता राज्यात अडकलेल्या लोकांसाठी मोफत एसटी सुविधा पुरविली जाणार आहे. राज्याचे परिवहनमंत्री श्री अनिल परब एनबी सदर माहिती दिली आहे. मात्र हीं सेवा येत्या १८ मेपर्यंतच पुरविण्यात येणार आहे असं ना. परब यांनी सांगितलं.
या निर्णयाने ठिकठिकाणी अडकलेल्या नागरिकांना अतिशय सुखद धक्का भेटला आहे. सर्वच स्तरातून राज्य सरकारच्या या निर्णयाचे स्वागत केले जात आहे.