नवी मुंबईतील कंटेनमेंट आणि रेड झोनमध्ये राहणाऱ्या रहिवाशांना रोगप्रतिकार शक्ती बूस्टरच्या गोळ्या वितरीत करा

राहूल शिंदे ह्यांची महापालिका आयुक्त अण्णासाहेब मिसाळांकडे मागणी

नवी मुंबईतील कंटेनमेंट आणि रेड झोनमध्ये राहणाऱ्या रहिवाशांना रोगप्रतिकार शक्ती बूस्टरच्या गोळ्या वितरीत करा अशी मागणी भाजपचे युवा नेते राहूल शिंदे ह्यांनी नवीमुंबई महानगरपालिका आयुक्त अण्णासाहेब
मिसाळांकडे केली आहे.

भारत सरकारच्या आयुष मंत्रालयाने यापूर्वीच कोविड 19 साठी आर्सेनिकम अल्बम 30 ह्या औषदाची रोग प्रतिकारशक्ती बूस्टर म्हणून वापरण्यास सल्ला दिला आहे व अनेक क्वारंटाईन सेंटर व कोविड रुग्णांना रोगप्रतिकार शक्ती वाढावी म्हणून ह्या गोळ्या दिल्या जातात.
त्याचबरोबर कंटेनमेंट आणि रेड झोनमध्ये राहणाऱ्या रहिवाशांना जर ह्या गोळ्या दिल्या तर त्यांची रोगप्रतिकारक शक्ती वाढण्यास मदत होईल व पालिकेला ह्या दोन्ही झोन मध्ये ह्या वायरस ला नियंत्रणात आणण्यासाठी मदत होईल असे राहुल शिंदे ह्यांनी आपल्या पत्रात म्हटले आहे .