<
जळगाव:- तालुक्यातील नांद्रा बु फाटा ते नंदगाव रस्त्यावर आज प्रधानमंत्री ग्राम सडक योजना कार्यालयातर्फे वृक्षारोपण करण्यात आले.
प्रधानमंत्री ग्रामसडक योजना कार्यालयाच्या अंतर्गत नुकत्याच पूर्ण झालेल्या रस्त्यांच्या कडेला हे वृक्षारोपण करण्यात आले असून कार्यकारी अभियंता विजय पाटील यांच्या मार्गदर्शनाखाली हा उपक्रम राबविण्यात आला.यावेळी उपअभियंता जितेंद्र सोनवणे,कनिष्ठ अभियंता अमोल चौधरी,काँट्रैक्टर सुधाकर कोळी व ‘एम एस जैन कन्स्ट्रक्शन’चे जितू जैन आदी उपस्थित होते.प्रधानमंत्री ग्रामसडक योजना कार्यालयाच्या या अनोख्या स्तुत्य उपक्रमाचे ग्रामीण परिसरातून कौतुक होत आहे.
