<
मुलुंड : शेखर चंद्रकांत भोसले
भांडूप पश्चिमेला एलबीएस मार्गावर मेट्रोचे काम पुन्हा चालू करण्यात आले असून हे काम करत असताना तेथून जाणाऱ्या भूमिगत पाण्याच्या लाईन व इतर सर्विस लाइन्सना अनेकदा नुकसान पोहचत आहे. काल सकाळी मेट्रोचे काम चालू असताना मंगतराम पेट्रोल पंपच्या समोरील भूमिगत पाण्याच्या लाईनला धक्का बसल्याने पाईप लाईन लिकेज झाली. परिणामी हजारों लीटर पाणी वाया जात होते व परिसरात सर्वत्र पाणी झाले होते. ह्याची माहिती तेथील दिपेश जांभळे व जयेश परब यांनी सामाजिक कार्यकर्ते संतोष दगडू पार्टे यांच्यामार्फत मेट्रोच्या संबंधित अधिकाऱ्यांना दिली व तातडीने येथील जलवाहिनी दुरुस्त करण्यास सांगितले. मेट्रो अधिकाऱ्यांनी ताबडतोब पालिकेच्या एस वार्डातील पाणी खात्याच्या अधिकाऱ्यांशी संधान साधून सदर जलवाहिनी दुरुस्त करुन घेतली व पाणी गळती थांबवली.
