लखनऊ : उत्तर प्रदेशच्या औरैया जिल्ह्यात मजुरांनी भरलेल्या तरुच्छा भीषण अपघात झाला आहे. एका मालवाहू ट्रकने मजुरांनी भरलेल्या ट्रकला जोरदार धडक दिल्याने हा अपघात झाला. या दुर्घटनेत २३ जणांचा जागेवर मृत्यू झाला असून एका मजुराचा उपचारादरम्यान मृत्यू झाला आहे. या दुर्घटनेत १५ ते २० मजूर गंभीर जखमी असल्याची माहिती मिळाली आहे. सर्व जखमींना जिल्हा रुग्णालयात दाखल करण्यात आले आहे.
मजुरांनी भरलेला ट्रक रस्त्यावर उभा होता. मात्र अचानक मालवाहू ट्रकने मजुरांच्या ट्रकला धडक दिली. हि दुर्घटना आज पहाटे सडे तीन वाजेच्या सुमारास घडली. या दुर्घटनेत बाली ठरलेलं बहुतांश मजूर हे बिहार, झारखंड आणि पश्चिम बंगालचे आहेत. हे सर्व मजूर राजस्थानवरून बिहार-झारखंडला जात होते.
या दुर्घटनेवर उत्तरप्रदेशचे मुख्यमंत्री योगी आदित्यनाथ यांनी दुःख व्यक्त केले आहे. मजुरांच्या परिवाराप्रती त्यांनी संवेदना व्यक्त केली आहे. आपण मृतमजुरांच्या परिवारासोबत आहोत, असं त्यांनी म्हटलं आहे. त्याचबरोबर जखमींवर योग्य उपचार केले जावेत, असे निर्देश देण्यात आल्याचं त्यांनी सांगितलं आहे.
