फैजपूरच्या सदगुरु हॉस्पिटलमध्ये नागरिकांची तपासणी व औषध उपचार; तज्ञ डॉ.अमित हिवराळे यांनी दिला काळजी घेण्याचा सल्ला

फैजपूर(किरण पाटील)- देशात कोरोना संसर्गजन्य विषाणूचा पार्श्वभूमीवर खबरदारीचा उपाय म्हणून रोग प्रतिकार शक्ती वाढविण्यासाठी फैजपुर येथील सदगुरु हॉस्पिटल चे तज्ञ डॉक्टर अमित हिवराळे ( एम.डी ) यांनी नागरिकांची तपासणी करून व्हिटॅमिन बी कॉम्प्लेक्स ,झिंक व व्हिटॅमिन सी या प्रकारची औषधे देवून  नागरिकांची रक्तदाब, मधुमेह , हृदयाची तपासणी व शरीरातील ऑस्क्रीजन प्रमाण तापासून नागरीकांना काशी काळजी घ्यावी या बाबत मार्गदर्शन करतांना  डॉ.अमित हिवराळे यांनी सांगितले की घरातच बसून  काळजी घ्या , सहा फूट अंतर राखून ठेवा, वयक्तिक स्वच्छता राखा, डॉक्टरांनी व प्रशासनाने दिलेल्या सूचनांचे पालन करा, आपले हात, पाय व चेहरा स्वच्छ धुवा, मास्क लावा व नियमित व्यायाम करा तसेच घराबाहेर जातांना पूर्ण झाकले जाईल असे कपडे घाला, मास्क घाला, तुमच्याकडे पाळीव प्राणी असतील तर त्यांच्या आजूबाजूचा भाग स्वच्छ ठेवा, रकमेचा व्यवहार टाळा, हात धुतलेले नसतील तर चेहऱ्याला हात लावणे टाळा, पब्लिक वाहनांचा वापर करू नका, खोकला किंवा शिंका येत असल्यास टिशू पेपर चा किंवा रुमालाचा वापर करा, कोणत्याही वस्तूला हात लावण्यापूर्वी व नंतर हात स्वच्छ धुवावे किंवा सॅनिटाइझर चा वापर कराव, ठराविक अंतरावरून संभाषण करा तसेच घरी पोहोचल्यावर घेण्याची काळजी घरी आल्यावर कोणत्याही वस्तूला हात लावणे टाळावे, आपल्या खिशातील सर्व वस्तूंचा एक वेगळा ट्रे किंवा बॉक्स ठेवावा, तुमचा मोबाईल जंतुविरहित करा, चप्पल बूट बाहेर काढा, जाताना घातलेले कपडे गरम पाण्यात भिजू घालून ते वेगळे धुवावे,  आणलेल्या गरजेच्या वस्तू शक्यतो लगेच हाताळणे टाळा , घरी आल्यावर शक्यतो आंघोळ किंवा आपले हात, पाय, चेहरा स्वच्छ साबणाने धुवा, ह्या गोष्टी पूर्णपणे निर्जंतुक करणे शक्य नाही परंतु या द्वारे इन्फेक्शन वाढवण्याचा धोका निश्चित कमी करता येईल असा मोलाचा सल्ला नागरिकांना डॉ.हिवराळे देत आहे. तसेच पुढे म्हणाले की कोरोना हा विषाणू शारीरात प्रवाश केल्यावर हा विषाणू शरीरात त्याचे कार्य करत असतांना सर्वात आधी घश्याच्या आसपास च्या पेशींना चिटकून बसतो. नंतर श्वास घ्यायला त्रास होऊ लागतो. श्वास नलिका व फुस्फुसावर हल्ला चढवितो. श्वास नलिका आणि फुस्फुसामध्ये कोरोना विषाणूच्या संख्येत वाढ होते. या ठिकाणी तयार झालेले नवीन कोरोना विषाणू हा इतर पेशींवर हल्ला चढवण्याचे कार्य करत असतो. ज्यांना हृदय विकार, मधुमेह, रक्त दाब असणाऱ्या रुग्णाणी विशेष काळजी घेणे महत्वाचे आहे.