<
जळगांव(प्रतिनीधी)- आज कोरोनाची भारतातच नव्हे तर संपूर्ण जगात भयानक परिस्थिती असतांना सुद्धा नूतन मराठा महाविद्यालयातील NCC च्या विद्यार्थ्यांनी मदतीचा हात पुढे केला आहे. महाविद्यालयातील एन.सी.सी. मधील वैभव पाटील या वावडदे येथील विद्यार्थ्यांने बॅनर द्वारे गावातील लोकांमध्ये जनजागृती केली तसेच उमाळा येथील मयूर जाधव या विद्यार्थ्यांने पोस्टर तयार करून घरोघरी जाऊन मास्क चे वाटप केले. अश्या प्रकारे या विद्यार्थ्यांनी एका प्रकारे सामाजिक भावनेतून मदतीचाच हात पुढे केला आहे. या उपक्रमासाठी महाविद्यालयाचे प्राचार्य डॉ. एल पी देशमुख आणि १८ महाराष्ट्र बटालियनचे सी.ओ. सत्यशील बाबर यांनी विद्यार्थ्यांचे कौतुक केले. कॅप्टन कमल बी. पाटील व लेफ्टनंट शिवराज बी.पाटील यांनी विद्यार्थ्यांना प्रोत्साहन दिले.
